Сервис Transfer Pricing Monitor предлагает простой и удобный инструмент для автоматизации процесса составления отчетности по мониторингу сделок и расчета трансфертной цены.
This post is also available in:
EN (EN) 
RU (RU) 
KZ
11 қыркүйекте Атырау қаласында заңнама мен құқық қолдану тәжірибесінің өзекті мәселелерін талқылауға арналған XIX Халықаралық Атырау құқықтық конференциясы өтті. Іс-шараға заң қоғамдастығының, бизнес өкілдерінің және мемлекеттік органдардың өкілдері қатысты.
Конференция аясында Olympex Advisers сот практикасы бағытының жетекшісі Екатерина Нұрперзентова «Қазақстан Республикасында жасанды интеллектіні пайдалану және оны оқыту барысында дербес деректерді қорғау» тақырыбында баяндама жасады.
Өз баяндамасында Екатерина Қазақстандағы жасанды интеллект пен дербес деректерді қорғау саласындағы заңнамалық өзгерістерге, жасанды интеллектіні пайдалану кезіндегі жауапкершілікті бөлу мәселелеріне, дербес деректер субъектілерінің құқықтарына, сондай-ақ жасанды интеллект жүйелерін оқыту және енгізу барысында туындайтын құқықтық әрі практикалық сын-қатерлерге тоқталды.
Сондай-ақ жоғары тәуекелді жасанды интеллект жүйелерінің аудитін жетілдіру, модельдерді оқыту кезінде дербес деректерді қорғау және осы саладағы нормативтік базаны одан әрі дамыту мәселелеріне ерекше назар аударылды.
Ұйымдастырушыларға тәжірибе алмасуға және цифрлық экономиканың болашағын айқындайтын жасанды интеллектіні дамытудың құқықтық аспектілерін талқылауға мүмкіндік бергені үшін алғыс білдіреміз.
